Lo’u atunu’ū pelē i le Agaga
Lou i’oimata, o le tifa i le moāna
O lau ulafāla, ou te tiu ai i a’u evāga
Sau ia laia, su’e ane ai sau pa’aga
Samoa ‘ea, (Samoa ea) Samoa ‘ea, (Samoa ea)
Pe ‘ā galo, oe fa’apēfea
Ou moomo’oga i nā ia tumau pea
O laū tagavai, ina ne’i toe ave’esea
E lē galo i lo’u fa’amoemoe
Samoa ‘eā, ua sili oe
Ta tu’ugā tala ou te tiu ai i le solo e
O si au peninā, o lē filifili auro e
Samoa ‘ea, (Samoa ea) Samoa ‘ea, (Samoa ea)
Pe ‘ā galo, oe fa’apēfea
Ou moomo’oga i nā ia tumau pea
O laū tagāvai, ina ne’i toe ave’esea
O fūgāla’au felanua’i
Ma lē manogī, pua’ina i le matagi
Toe tau faasolō, sau la ta savalivali
Ae ātagia, ou foligā i le sami
Samoa ‘ea, (Samoa ea) Samoa ‘ea, (Samoa ea)
Pe ‘ā galo, oe fa’apēfea
Ou moomo’oga i nā ia tumau pea
O laū tagavai, ina ne’i toe ave’esea
E māmalu Sāmoa i ana aganu’u
Ia taofi maū, ina ne’i mamulu
Lau fa’aaloalo avane nei i so’o se tagata
Ua tausa’afia ai Samoa i le nei vāsa
Samoa ‘ea, (Samoa ea) Samoa ‘ea, (Samoa ea)
Pe ‘ā galo, oe fa’apēfea
Ou moomo’oga i nā ia tumau pea
O laū tagavai, ina ne’i toe ave’esea
