Se e faigata o mafutaga!

Se e faigata o mafutaga
Pe a fusia i le alofa mafanafana
E lo’u sei rosa e ua matala
Ua puaina mai e le sau lona sasala
Ua oo i atumauga o Arasi
Saafiafiga o le loto ua sautualasi
Le alofa e puna mai pea i aso uma
Ua avea nei ma maa taimane aupitoaluga
Tuu ai pea tala a le lalolagi
Pola motu mai i tua o ai a le matagi
Ae manatua o le alofa e faasili i mea uma lava
A oo i ou tiga ou te tu i ou autafa
E! O lenei ipu ua oona
A ua sili le alofa i nai ou matua i loo mea uma
E se amuia se o lagona
Pe a fesouaina i faigata ma tofotofoga
E mauga e o Fao mafuli mai ia
Sei tanumia ai le lalolagi o mafaufauga
E faagalo ai i o’u leaga
Ia natia ifo nei liaina i le ala
A oo i ou tiga ou te tu i ou autafa