This song expresses the emotion of David’s heartbreaking farewell to his dear friend Jonathan (in the Old Testament).
Le mavaega a Tavita ma Ionatana
Aue, loto e, ua nuti momoia
Ua fa’apena oe le manamea
Oi talofa o le a ta tete’a
Lo’u fatu ua ta’e
Vaivai ai le tino
Le uo moni, aue, o le a lilo
La’u lupe o le a e sola ma fa’aifo ane i le papa
O le a e talafulu i le ala na moe ai ole tama
A i ai ni ou alofa tu ma ile fa’asopoia
Lia’i mai ai lou solosolo e, tofa!
Ia malie lou finagalo i la’u fa’atali
Ua luma fale i moana ae tua i le papa
Ua le oni masei ae tu’u ni lelei
Pei o le upu ua naumati o le nu’u nei
O nai a’u upu ta’utino
O faiva o Fiti ia lililo
E magalo mea uma i le ta so’o tino
(repeat..la’u lupe o le a e sola…)
E le galo oe i le agaga
Pe a i’u lenei soifua
Le mavaega lea i tul`apasa
O le afiafi i sisifo e te alaala ai
Ae a ou tu mai i le vaveao i sasa’e
O a’u lena e te tago seu ai
(repeat..la’u lupe o le a e sola…)
Afai o mesepa ta mavae ai
Aue le loto e, ua liu suavai
Lau teu fa’aaloalo
Lenei ua i lo’u fatu
O le ma’asalafa ua e tu’u ai a’u
Malie le papa i Ta`u ma le papa i la u
Papa i galagala le taga fa’au fai tala
(repeat..la’u lupe o le a e sola…)
