My Dear, My Darling

(Also performed by Nifoloa, apparently composed by Reverend Ario Sio)
Le foma’i e, le tau manu salu pese
Lafo ia i fogāva’a tele
Galue oe mo le malo Meleke
Ae ‘ou fa’asaga i le fe’au lautele
O lē tulāfono a lē teōmeteri
Toese le tutusa e lē tutusa
Afai e to’ese atu fai mai e lē tutusa
E sili lā ona fa’auma
My dear my darling usi le fa’afofōga
Ae se’i ou talanoa i o’u mo’omo’oga
E leitioa tautala Solomona
E pei o le oti o lē malosi o lē alofa
Ua avea pea lau afioga
Mai vaila’au aoga i lo’u nei ola
Ua avea, lava oe, ma tumutumu o lo’u fa’amoemoe
La’ū malaga na alu to’atasi
Na lutia i peau o le sami
Toe taia ane i se auala
Fai mai ua musu le teine tausala
Fa’amoemoe maua le auala
E lele le sē ae lama le ti’otala
E lē faia so’u loto, ae tu’u lou finagalo
Malie lau fa’aaloalo
O a ta ‘upu e, o le ‘ā masua
Ae ou te fa’atali pea i se fua
Ou tē popole pe a ‘ou manatua
Ne’ī nanā suga seisi au tupua
E pei oe o le ula e se’e i tua
E ta’a le tupa ae fai o lona lua
Auē ita e, manū a mao, i le galu na ona fa’afua
O ita o si ugā pēpē, e lolo lava i le agi a le matagi
Ae ou te pese pea ma ‘ou fa’āiloa
Le ‘o a’u se tupu po’o se alii mau’oa
E le ‘o ita foi o sē tagata poto
Po ‘o se aloalii o Samoa
A ‘o ita nei lava, o sī tagata noa
Ua uma foi ona e iloa
Si o’u loto e ua maliē, soifua teine o Meleke
O le a foi si alii Ni’u Sila, e mamao lē Fa’asālelē
Ua malie lau fa’aaloalo, o lē ‘ā fo’i si alii a’oa’o
Ae tā tau fai saili, ma fa’atalitali pea i se aso
Ae tā tau fai saili, ma fa’atalitali pea i se aso